Kjúklingasalat með stökku beikoni | gottimatinn.is
- +

Kjúklingasalat með stökku beikoni

Innihald:
3 stk. kjúklingabringur
2 bréf beikon
1 dós sýrður rjómi 10% frá Gott í matinn
5 msk. majones
1 msk. sætt dijon sinnep, 1-2 msk.
aromat
graslaukur

Aðferð:

Þetta salat er einstaklega gott á ristað brauð eða baguette.

Grillið kjúklingabringurnar þar til kjúklingurinn er orðinn full eldaður. Skerið þær niður í smáa bita. Einnig er gott að klippa kjúklinginn niður. Setjið smjörpappír á bökunarplötu og raðið beikoninu á plötuna, stillið ofninn á 200°C og eldið þar til beikonið er orðið vel stökkt. Klippið beikonið eða brjótið það niður í smáa bita og blandið saman við kjúklinginn. Blandið saman sýrðum rjóma, majonesi og sinnepi og hrærið vel saman. Ef ykkur finnst salatið þurfa að vera blautara í sér er gott að bæta við majonesi. Kryddið með aromati, gott er að smakka salatið til. Skerið niður graslauk og setjið ofan á salatið. Geymið í kæli þar til salatið er borið fram. 

 

Höfundur: Thelma Þorbergsdóttir