- +

Sítrónu hollandaise sósa

Innihald:
2 msk. hvítvínsedik
1 msk. sítrónusafi
6 eggjarauður
300 g smjör (300-350 g)
Rifinn börkur af hálfri sítrónu

Aðferð:

Skerið smjörið í bita og setjið í pott.

Látið krauma undan smjörinu í nokkrar sekúndur. Mjólkurpróteinin sökkva til botns en undanrennupróteinin fljóta ofaná.

Byrjið á því að fleyta undanrennupróteinunum ofan af. Bíðið um stund og leyfið smjörinu að kólna aðeins, þá aðskiljast mjólkurpróteinin betur frá og falla til botns.

Næsta skref er að hella skírðu smjörinu í annað ílát. Þrífa pottinn og hella skírðu smjöri aftur í pottinn.

 

Ástæða þess að maður "skírir" smjörið er til að fá þykkari sósu. Það eru nefnilega próteinin í smjörinu sem binda vökvann og þegar maður er laus við þau fær maður mikið þykkari sósu.

 

Aðskiljið eggjarauðurnar frá eggjahvítunum. Til eru margar leiðir. Það er alltaf hætta á því að eggjarauðan springi - en það skiptir auðvitað engu máli.

 

Setjið edikið og sítrónusafann í pott og sjóðið niður um helming eða svo. Tilgangurinn með þessu skrefi er að þétta bragðið. Þessari blöndu er svo blandað saman við eggjarauðurnar. Það er mikilvægt að þeyta þær vandlega þannig að þær næstum tvöfaldist í rúmmáli.

 

Bragðbætið sósuna með berkinum af hálfri sítrónu sem þið raspið niður.

 

Næsta skref er að hita smjörið aftur og svo bæta því smám saman við eggjarauðurnar. Þannig fær maður hnausþykka sósu sem næstum stendur sjálf. 

 

Skreytið með ferskri steinselju.

 

Sósan hentar fullkomlega með þessari uppskrift að laxi með sykurbaunum og franskri dressingu