- +

Hráskinka með soðnum perum og rjómaostatoppi

Innihald
6 dl vatn
6 dl þurrt hvítvín
250 g flórsykur
4 stk perur, meðalstórar, afhýddar, kjarnhreinsaðar og skornar í sneiðar


3 stk hráskinkusneiðar (3-4 sneiðar á mann), stórar sneiðar, ef rétturinn er forréttur
6 msk mjúkur rjómaostur, 1 msk á mann

Aðferð:

Setjið vatn, vín og sykur í pott og komið upp suðu. Látið perur í vökvann og sjóðið í 15 mínútur. Takið upp úr vökvanum þegar þær eru mjúkar.

Raðið perum og hráskinkusneiðum á disk eða fat og setjið ostinn í miðjuna. Einnig er gott að setja klettasalat undir allt saman og gera réttinn matarmeiri. Yfir það má dreypa ólífuolíu og sítrónusafa.

 

*Í stað rjómaosts má nota annan mjúkan ost eins og geitaost

*Perurnar eru einnig góðar sem eftirréttur með ís eða rjóma

Höfundur: Halla Bára og Gunnar