- +

Heimatilbúið kryddsmjör og hvítlaukssmjör

Kryddsmjör með ansjósum:
150 g smjör
5 stk. ansjósuflök, smátt skorin
sítróna, börkur og safi
2 msk. steinselja, smátt skorin

Hvítlaukssmjör með graslauk:
1 stk. heill hvítlaukur
skvetta af olíu
salt og pipar
150 g smjör
2 msk. ferskur graslaukur, smátt skorinn
salt og pipar

Kryddsmjör með chorizo pylsu:
150 g smjör
80 g chorizo pylsa, smátt skorin
chili, kjarnhreinsaður og smátt skorinn
límóna, safinn úr henni
salt og pipar

Kryddsmjör með bernaise:
150 g smjör
3 msk. gott hvítvínsedik
2 msk. ferskt fáfnisgras (estragon), saxað
2 msk. skalottlaukur, smátt skorinn
salt og pipar

Aðferð:

Kryddsmjör með ansjósum:

Ansjósur eru vissulega saltar séu þær borðaðar einar og sér, en sem hluti af öðrum hráefnum leika þær lykilhlutverk í bakgrunninum og lyfta öðru bragði á hærra plan. Takið 150 g af mjúku smjöri og blandið saman við það fimm flökum af smátt skornum ansjósum, berki af hálfri sítrónu, safa úr hálfri sítrónu og tveimur msk. af smátt skorinni steinselju. Saltið og piprið og blandið vandlega saman. 

Hvítlaukssmjör með graslauk:

Næsta smjör er alveg geggjað. Setjið heilan hvítlauk ofan á álpappír og hellið smá skvettu af olíu yfir hann, saltið og piprið. Því næst er að vefja álpappírnum utan um og baka í ofni í 45 mínútur við 180 gráður. Þá umbreytist hvítlaukurinn algerlega og hann karmelliserast - skerpan og hvítlaukshitinn hverfur og í staðinn kemur sæta; djúsí hvítlaukssæta. 

 

Hrærið 150 g af smjöri saman við öll hvítlauksrifinAuk tveggja msk. af ferskum graslauk, saltið og piprið.

 

Kryddsmjör með chorizo pylsu:

Næsta gerð af kryddsmjöri er gerð úr 150 g af smjöri, 80 g af chorizo pylsu, 1/2 smátt söxuðum kjarnhreinsuðum chili, safa úr hálfrí límónu og svo salti og pipar.

 

Kryddsmjör með bernaise:

Fjórða tegundin er gerð úr 150 g af smjöri, þremur msk. af góðu hvítvínsediki, tveimur msk. af söxuðu fersku fáfnisgrasi, tveimur msk. af smátt skornum skalottlauk og svo salti og pipar. 

 

  

Þegar búið er að blanda krydd- og hvítlaukssmjörið sem maður hefur valið sér er það sett á smjörpappír, vafið inn í pappírinn, þ.e. rúllað upp, lokað fyrir endana og sett í kæli í klukkustund.