- +

Sæt kartöflumús

Kartöflumús
safi og fínrifinn börkur af hálfri appelsínu, (eingöngu appelsínuguli hlutinn)
sykurpúðar (má sleppa)
900 g sætar kartöflur, afhýddar og skornar í 2 cm bita
40 g smjör, frá MS skorið í litla bita
1 stk. laukur, fínsaxaður
325 g krukka MS Dalafeti í kryddolíu, olíunni hellt af

Aðferð:
Hitið ofninn í 200°C. Setjið sætu kartöflurnar í eldfast mót. Dreifið smjörinu yfir þær ásamt saxaða lauknum. Bakið kartöflurnar í um 40 mínútur eða þar til þær fara að taka lit og verða mjúkar. Gott er að hreyfa við þeim í eitt til tvö skipti á meðan þær bakast. Takið mótið úr ofninum, stappið kartöflurnar með gaffli í mótinu og blandið fetaostinum saman við ásamt appelsínusafanum og -berkinum. Blandið lauslega saman og jafnið músinni í mótið. Raðið sykurpúðunum þétt ofan á, setjið mótið aftur í ofninn og bakið í 8–10 mínútur í viðbót, eða þar til sykurpúðarnir fara að taka lit. Einnig má sleppa sykurpúðunum en baka músina jafnlengi. Berið strax fram. Kartöflumúsina má útbúa daginn áður en hita hana síðan upp í ofninum í 20 mínútur áður en hún er borin fram. Ef á að hafa sykurpúðana ofan á er þeim bætt við þegar
10 mínútur eru eftir af upphitunartímanum.
 

Höfundur: Inga Elsa Bergþórsdóttir