- +

Indversk hrísgrjón með kardimommum

Krydd hrísgrjón
svolítið salt
fersk kóríanderlauf
200 g basmati-hrísgrjón
2 msk. smjör frá MS
1 kanilstöng
6 heilir negulnaglar
8 stk. kardimommubelgir, létt kramdir eða annað indverskt krydd
½ tsk. anísfræ eða 1 tsk. fennelfræ
1 krukka Dalafeta frá MS að eigin vali

Handa 4.

Aðferð:
Setjið hrísgrjónin í sigti og skolið með köldu vatni. Látið vatnið renna af þeim. Bræðið smjör í þykkbotna potti og ristið kryddið í smjörinu. Bætið grjónunum út í og þekið þau vel með smjörinu. Hellið 275 ml af köldu vatni yfir, setjið lokið þétt yfir pottinn, hitið að suðu við meðalhita og látið malla í 10 mín. Ef lokið er ekki þétt er hægt að þétta það með því að leggja álpappír utan um pottbrúnina. Takið pottinn af hitanum og látið grjónin standa áfram í lokuðum pottinum í 5 mínútur. Hrærið upp í grjónunum með gaffli. Setjið fetaostinn út í og klippið ferskt kóríander yfir. Berið strax fram.

Höfundur: Inga Elsa Bergþórsdóttir