Menu

Sæt og klístruð súkkulaðikaka með karamellu

Gott er að búa karamelluna til áður en kakan er gerð. Henni er síðan hellt yfir kökuna eftir að hún hefur bakast í 15 mínútur. Við það læðist karamellan inn í kökuna og þannig verður kakan svona ljúffengt klístruð og gómsæt.

Það er bæði fallegt og bragðgott að toppa kökuna með sykurhúðuðum appelsínuberki, sjá uppskrift hér.

Innihald

12 skammtar

Karamellusósa:

smjör
púðursykur
Vanilludropar
rjómi frá Gott í matinn

Klístruð og sæt súkkulaðikaka:

smjör
súkkulaði
egg
sykur
hveiti
salt
vanilludropar eða vanillusykur

Karamellusósa

  • Allt hráefni sett í pott og látið bráðna rólega saman. Þegar byrjað er að sjóða, lækkið hitann og látið sjóða í nokkrar mínútur þar til karamellan er byrjuð að þykkna.
  • Takið af hitanum og hellið yfir kökuna.
  • Karamellunni er helt yfir kökuna og kakan bökuð í 15 mínútur til viðbótar.
  • Kakan er best ef hún fær að kólna eitthvað áður en hún er borin fram og en hún er einnig dásamlega góð daginn eftir.

Sæt og klístruð súkkulaðikaka

  • Hitið ofninn í 175°C.
  • Mælið smjörið, setjið það í pott og látið það bráðna.
  • Súkkulaðið er sett saman við, potturinn tekin af hitanum og súkkulaðið látið bráðna rólega í smjörinu. Gott er að láta þessa blöndu kólna aðeins áður en eggin eru sett saman við.
  • Setjið eitt egg í einu út í súkkulaðismjörið og þeytið það saman við með handþeytara.
  • Hrærið næst sykrinum saman við og svo hveiti, salti og vanilludropum eða vanillusykri.
  • Hellið deigið í hringlaga form sem búið er að setja bökunarpappír í. Mér finnst alltaf best að tylla bökunarpappír í formin því það auðveldar allt svo mikið. Ef stærri form eru notuð, þá styttist bökunartíminn töluvert.
  • Bakið kökuna í miðjunni á ofninum og kippið henni út eftir 15 mínútur. Hellið karamellunni yfir og setjið strax aftur í ofninn og bakið áfram í um 15 mínútur.

Höfundur: Theodóra J. Sigurðardóttir Blöndal