Menu

Portúgalskur saltfiskur - fyrir alla fjölskylduna

Innihald

5 skammtar
útvatnaður saltfiskur, soðinn og þerraður
meðalstór laukur, smátt saxaður
hvítlauksrif, eftir smekk, fínt skorin eða marin
egg, hrærð (5-6 stk.)
lárviðarlauf (2-3 stk.)
gæða ólífuolía
sjávarsalt og svartur pipar
lófafylli fersk steinselja, smátt söxuð
svartar ólífur
kartöflur

Aðferð

  • Skerið kartöflurnar í mjóa strimla, djúpsteikið í olíu, þerrið og saltið með sjávarsalti. Leggið til hliðar.
  • Hitið ólífuolíu í potti. Laukur og hvítlaukur er látinn malla í olíunni í nokkrar mínútur án þess að brúnast. Lárviðarlaufin eru sett út í olíuna og leyft að malla aðeins með.
  • Rífið saltfiskinn niður og hrærið hann saman við olíuna og laukinn, látið malla saman í nokkrar mínútur og piprið fiskinn eftir smekk. Takið pottinn af hitanum og hrærið eggin saman við fiskinn og gætið að því að jafna vel úr eggjablöndunni. Setjið pottinn á lágan hita.
  • Hrærið kartöflustrimlana varlega saman við réttinn, þá steinseljuna. Smakkið til með salti ef þarf, fer eftir saltstyrk fisksins. Skreytið með steinselju og svörtum ólífum. Gott að bera þær einnig fram með réttinum.
  • Fersk salat, gott brauð og gæðavín er best með þessum virkilega góða mat. Rétturinn er ekki síðri kaldur en heitur og eins daginn eftir.

Höfundur: Halla Bára Gestsdóttir