- +

Pizzurúlla

Innihald:
4 stk. egg
130 g rjómaostur til matargerðar (við stofuhita)
1 msk. Husk
1 tsk. vínsteinslyftiduft (eða venjulegt)
1 msk. pizzakrydd

Álegg:
pizzasósa og annað álegg eftir smekk
rifinn ostur

Þessa uppskrift er mjög auðvelt að gera og hentar vel í nestiboxið eða sem smá millimál um helgar. Skemmtilegast við uppskriftina er samt hve auðvelt það er að breyta innihaldinu sem fer í hana. Hægt að gera asparsrúllu, skinkurúllu eða grænmetisrúllu – allt eftir því hvað maður á í ísskápnum hverju sinni.

 

Aðferð:

Aðskiljið eggjahvítur og rauður.
Stífþeytið hvítur og setjið til hliðar.
Rauður og rjómaostur þeytt vel saman.
Bætið við huski, lyftidufti og pizzukryddi og blandið vel saman.
Í lokin er hvítunum bætt við og blandað varlega en vel saman.

Leggið smjörpappír á bökunarplötur og dreifið úr blöndunni svo hún fylli næstum alla plötuna.
Bakið í um 10 mínútur við 180°C og takið úr ofninum.
Setjið pizzusósu og dreifið yfir.
Setjið álegg sem þið viljið og svo rifinn ost.
Rúllið deiginu upp og setjið aftur inn í ofn.
Stillið ofninn á 200°C og bakið í 12-15 mínútur.

Höfundur: Hafdís Priscilla Magnúsdóttir