- +

Pizzadeig

Innihald:
½ poki ger
½ tsk sykur
280 ml ylvolgt vatn (280-300 ml)
200 g brauðhveiti
50 g durum-hveiti (má sleppa en bæta þá við 50 g af brauðhveitinu
1 tsk salt

Aðferð:

Setjið gerið í skál ásamt ½ tsk. af sykri. Hellið 60 ml af ylvolgu vatni yfir, hrærið vel í og látið standa í um 10 mínútur, eða þar til blandan er aðeins farin að freyða. Setjið þá hveiti, durum-hveiti og salt út í og hnoðið deigið saman. Bætið við volgu vatni eftir þörfum, deigið á að vera mjúkt og teygjanlegt. Hnoðið deigið í höndunum eða hrærivél í um 10 mín. Breiðið plastfilmu eða rakt viskastykki yfir skálina og látið hana standa í um 1 klst. á hlýjum stað. Flýta má fyrir lyftingunni með því að setja skálina ofan í aðra stærri skál með volgu vatni. Hnoðið deigið upp aftur og fletjið það út nokkuð þunnt í hring, um 32 cm í þvermál.

Myndin sem fylgir uppskriftinni er að pizzu með bökuðu grænmeti, fetaosti og grænmeti en uppskriftina að henni má finna hér.

Höfundur: Inga Elsa Bergþórsdóttir