- +

Pizza með sýrðum rjóma, reyktum laxi, ferskum kryddjurtum og sítrus

Botnar
1½ dl hveiti
1½ dl heilhveiti
1½ tsk lyftiduft
2 dl hrein jógúrt
1 tsk sjávarsalt

Álegg
3 dl sýrður rjómi
60 g klettasalat
500 g reyktur lax eða silungur, skorinn í þunnar sneiðar
½ dl dill, saxað
½ dl graslaukur, saxaður
1 stk rauðlaukur, skorinn í þunnar sneiðar
2 msk capers
2 stk límónur eða 1 sítróna skorið í báta

Aðferð:

Botnar aðferð:

 

1. Blandið öllu saman í skál og hrærið. Bætið meira hveiti eða heilhveiti saman við ef þurfa þykir eða þar til deigið er orðið meðfærilegt og óklístrað. Setjið í plastpoka og geymið í kæli í klukkutíma.

2. Skiptið deiginu í fjóra hluta. Fletjið hvern út í hring sem er u.þ.b. 24 cm í þvermál. Hitið pönnu og bakið báðar hliðar í u.þ.b. 2 mínútur.

 

 

1. Smyrjið pizzabotnana með sýrðum rjóma. Sáldrið klettasalati yfir. Raðið laxi/silungi þar ofan á.

2. Sáldrið loks kryddjurtum, rauðlauk og capers yfir pizzurnar. Berið fram með límónu eða sítrónubátum.

Höfundur: Erna Sverrisdóttir