- +

Mexíkósk pizza með naan brauði

Innihald:
3 stk. naan brauð (t.d. með hvítlauk og kóríander)
3 stk. kjúklingabringur
pizzaostur frá Gott í matinn
cayenne pipar
rauðlaukur
kirsuberjatómatar
avocado
sterk salsa sósa
sýrður rjómi frá Gott í matinn

Aðferð:

Uppskrift fyrir 3 - eitt naan brauð og ein kjúklingabringa á mann.
Tekur 30 mínútur að útbúa.

 

Kjúklingurinn er eldaður með cayenne pipar eftir smekk, t.d. hægt að elda kjúklinginn á mínútugrilli, á pönnu eða í ofni. 

Þegar kjúklingurinn er tilbúinn er hann skorinn smátt og settur ofan á naan brauðið ásamt osti og inn í ofn í um 10-12 mínútur við 200 gráður.

Á meðan brauðið er inn í ofni er gott að skera niður avocado, rauðlauk og tómata.

Þegar brauðið er til fer grænmetið ofan á og toppað með sýrðum rjóma og sterkri salsa sósu. Sniðugut er að setja sýrða rjómann í lítinn samlokupoka, klippa gat á eitt hornið og sprauta honum svo yfir pizzuna. 

Höfundur: Gígja S. Guðjónsdóttir