Menu
Grilluð þriggja osta pizza með parmaskinku og chilli sultu

Grilluð þriggja osta pizza með parmaskinku og chilli sultu

Fullkominn réttur í grillveisluna eða hvaða veislu sem er. Einstaklega fljótlegur en mikill “vá-faktor” sem fylgir. Það er upplagt að velja þá osta sem manni þykja bestir. Ég mæli með að nota einn bragðmikinn ost eins og Tind, Óðals eða sterkan Gouda, einn mildari hvítmygluost eins og Gullost sem er í uppáhaldi hjá mér og einn blámygluost, bláan Kastala eða gráðaost fyrir þá sem vilja fara alla leið. Fullkomin blanda!

Innihald

1 skammtar
tilbúinn stór pizzabotn
ólífuolía
salt og pipar
þrjár tegundir af ostum, t.d. Óðals Tindur, Gullostur og Blár kastali
sneiðar af parmaskinku
fersk basílika
chillisulta

Skref1

  • Upplagt að velja þá osta sem manni þykja bestir.
  • Best er að nota einn bragðmikinn ost eins og Tind, Óðalsost eða sterkan Gouda, einn mildari hvítmygluost eins og Gullost og einn blámygluost, bláan Kastala eða gráðaost fyrir þá sem vilja fara alla leið. Fullkomin blanda!

Skref2

  • Byrjið á að pensla pissubotninn með ólífuolíu, kryddið með salti og pipar.
  • Setjið á grillið eða í 220 gráðu heitan ofn í 5 mínútur.

Skref3

  • Skerið eða rífið ostana niður og dreifið ríkulega yfir botninn ásamt sneiðum af parmaskinku. Bakið áfram í um 7-8 mínútur eða þar til ostarnir hafa bráðnað.
  • Toppið með fersku basil og chillisultu.

Höfundur: Helena Gunnarsdóttir