- +

Fullorðinspítsa með pikklaðri límónusósu

Sósa:
2 dl tómat-passata frá Ítalía
2 tsk. maukað Lime Pickle frá Pataks
2 tsk. tamari-sojasósa
2 tsk. agave-síróp
2 stk. hvítlauksgeirar, smátt saxaðir (1-2 stk.)
1 msk. íslenskt blóðberg, þurrkað (fæst t.d. frá Blóðbergsgarðinum)
chili-duft á hnífsoddi

Pítsan:
1 stk. xxl Wewalka heilhveitipítsabotn
1 pk. rifinn Mozzarellaostur frá MS
1 dl rjómaostur til matargerðar frá MS (1-2 dl)
½ stk. rauðlaukur, þunnt sneiddur
1 msk. kapers, kreistið safann aðeins úr þeim áður (1-2 msk eftir smekk)
½ stk. rauðvíns-salami pylsa, þunnt skorin
½ stk. rauð paprika, þunnt skorin

Aðferð:

Hitið ofn í 220°C. Setjið allt sem fer í sósuna saman í pott og látið sjóða saman í nokkrar mínútur. Látið kólna aðeins.

Teygið úr deiginu þannig að það dugi í tvær kringlóttar pítsur og dreifið sósunni á botnana. Setjið ost og rjómaost ofan á og síðan restina af álegginu nema paprikuna. Bakið í 12-15 mín. eða þar til osturinn hefur tekið fallegan lit. Dreifið papriku yfir þegar pítsan er tekin úr ofninum. 

 

*Þessi pítsa lenti í 2. sæti í pítsukeppni Gestgjafans, Gott í matinn og Wewalka í nóvember 2016. Dómnefndin var sammála um að þessi pítsa væri "high-class pítsa meðalmannsins" eins og einn úr dómnefndinni komst svo skemmtilega að orði. Áleggið er í hefðbundnari kantinum en rauðvíns-salami og kapers gefa henni nýtt bragð. Sósan var svo í raun það sem gerði útslagið, skemmtilega öðruvísi.

Höfundur: Hólmfríður Arnardóttir