- +

Flatbaka með villisveppa- og hvítlauksosti

Pizzadeig
Tilbúið deig eða gera sitt eigið

Kryddostakrem
½ stk villisveppaostur
½ stk hvítlauksostur
1 dós sýrður rjómi
salt og pipar
ólífuolía yfir botninn

Sveppatoppur
ferskir sveppir
smjörklípa
hálfsítróna
ferskt timjan
salt og pipar
balsamik gljái

Aðferð:

Hér er ekki gefin upp uppskrift að pizzadeigi. Hefðbundin aðferð við pizzabotn, fletja út, hafa bökurnar frekar litlar og pínu aflangar.

Osturinn er gróft rifinn niður, hrærður saman við sýrða rjómann. Smakkað til með salti og pipar.

Sveppir sneiddir, mýktir á pönnu með smjöri og eiga að fá á sig gullinn blæ. Hálf sítróna kreist yfir á pönnuna, salt og pipar, ferskt timían sem búið að rífa niður af greinunum.

Smá ólífuolíu er dreypt yfir botninn áður en kryddostakrem fer þar ofan á. Smurt á botninn, í nokkuð þykku lagi (5 mm) og ekki alveg út í kantana. Sveppunum er komið  fallega fyrir ofan á ostablöndunni og fersku timjan stráð yfir. Stungið í heitan ofn (220 gráður) og bakað þar til botninn er bakaður í gegn. Bakan er tekin úr ofninum og nokkrum dropum af balsamik-gljáa dreypt yfir að lokum. Borið fram. 

Höfundur: Halla Bára Gestsdóttir