- +

BBQ pönnupizza með Havarti pipar

Innihald:
1 pizzadeig
150 g Havarti pipar, rifinn
500 g nautahakk
1 dós hakkaðir tómatar
2 msk. BBQ sósa
1 tsk. nautakraftur
1 tsk. óreganó
1 tsk. paprikuduft
Salt og pipar
1 rauðlaukur

Aðferð:

Hitið ofn í 200 gráður. Takið pönnu sem má fara í ofn og hitið við háan hita. (Ef þið eigið ekki pönnu sem má fara í ofn má vel gera pizzuna með hefðbundnum hætti á bökunarplötu). Brúnið hakkið, hellið tómötum yfir, ásamt BBQ sósu og kryddi. Smakkið til með salti og pipar. Leyfið þessu að malla í 10 -15 mínútur eða þar til mest allur vökvinn er farinn af pönnunni. Skerið rauðlaukinn á meðan í fína hringi. Þegar hakkið er tilbúið færið það þá yfir í skál og þurrkið aðeins af pönnunni með eldhúspappír. Leggið pizzabotninn í pönnuna og aðeins upp á hliðarnar. Setjið helminginn af ostinum beint á botninn, hakkið þar ofan á og toppið svo með restinni af ostinum. Raðið rauðlauks hringjum efst. Bakið í ofni í 15 mínútur. Takið út, toppið með bbq sósu og fersku kóríander eða steinselju. 

Höfundur: Helena Gunnarsdóttir