- +

Pizza með grískri jógúrt, lambahakki, fetaosti, myntu og kirsuberjatómötum

Botnar innihald:
1½ dl hveiti
1½ dl heilhveiti
1½ tsk lyftiduft
2 dl hrein jógúrt
1 tsk sjávarsalt

Álegg:
500 g lambahakk eða nautahakk
2 stk hvítlauksrif, marin
1 tsk cumin
2 tsk rauðar chiliflögur
¾ dl apríkósusulta
olía
3 dl grísk jógúrt
300 g kirsuberjatómatar, skornir í tvennt
1½ dl mynta, gróft söxuð
2 msk furuhnetur
100 g fetaostur, mulinn
1 stk sítróna, skorin í báta

Aðferð:

Botnar aðferð:

1. Blandið öllu saman í skál og hrærið. Bætið meira hveiti eða heilhveiti saman við ef þurfa þykir eða þar til deigið er orðið meðfærilegt og óklístrað. Setjið í plastpoka og geymið í kæli í klukkutíma.

2. Skiptið deiginu í fjóra hluta. Fletjið hvern út í hring sem er u.þ.b. 24 cm í þvermál. Hitið pönnu og bakið báðar hliðar í u.þ.b. 2 mínútur.

 

 

1. Hrærið hakkinu saman við hvítlauk, cumin, chilíflögur og aprkósusultu. Steikið síðan upp úr örlítilli olíu.

2. Smyrjið bakaða botnanna með grískri jógúrt. Skiptið hakkinu jafnt niður. Sáldrið tómötum, myntu, furuhnetum og fetaosti yfir og berið fram með sítrónubátum.

Höfundur: Erna Sverrisdóttir