Menu

Innihald

12 skammtar

Botn:

Oreo kexkökur
smjör

Skyrkaka:

hreint skyr
rjómi frá Gott í matinn
flórsykur
Síríus pralín með piparmyntu
rjómi
piparmyntudropar

Toppur:

Síríus pralín með piparmyntu
rjómi frá Gott í matinn

Aðferð

  • Setjið kexið í matvinnsluvél og hakkið þar til kexið er orðið fínmalað.
  • Bræðið smjör og hellið því saman við kexið og hrærið vel saman.
  • Hellið kexblöndunni í hringlaga form um 22 cm að stærð og þrýstið henni vel niður í botninn og upp á hliðar formsins. Gott er að nota botninn á glasi til þess að þrýsta kexinu vel niður.
  • Setjið formið inn í ísskáp á meðan þið undirbúið skyrkökuna.
  • Bræðið Síríus pralín með piparmyntu yfir vatnsbaði ásamt 4 msk af rjóma. Hrærið þar til súkkulaðið hefur náð að bráðna alveg. Kælið súkkulaðið örlítið og blandið því svo saman við skyrið og hrærið þar til allt hefur blandast vel saman.
  • Þeytið rjóma og blandið honum saman við skyrblönduna ásamt flórsykri og piparmyntudropum.
  • rærið skyrblönduna vel saman og hellið henni í formið og sléttið út með sleif.
  • Bræðið pralín súkkulaði með piparmyntufyllingu ásamt  4 msk. af rjóma yfir vatnsbaði og hrærið þar til súkkulaðið hefur bráðnað alveg. Slettið súkkulaðinu óreglulega yfir kökuna.
  • Geymið kökuna í kæli þar til hún er borin fram. 

Höfundur: Thelma Þorbergsdóttir