Menu

Pekanpæ með rjóma og karamellusósu - KETO

Dásamlega góð pekanbaka með karamellusósu og nýjum G-rjóma frá Gott í matinn. 

Bakan hentar einnig þeim sem eru á ketó mataræði.

Innihald

8 skammtar

Botn:

smjör, brætt
möndlumjöl
sukrin sætuefni
kanil
egg

Fylling:

sykurlaust sukrin gold síróp
smjör
laktósalaus G-rjómi frá Gott í matinn
vanilluextract
sjávarsalt
pekanhnetur
dökkt sykurlaust súkkulaði (má sleppa)
egg

Toppur:

laktósalaus G rjómi frá Gott í matinn, þeyttur

Skref1

  • Hitið ofn í 160 gráður með blæstri. Byrjið á því að gera botninn.
  • Hrærið bræddu smjöri, möndlumjöli, sætuefni og kanil vel saman.
  • Bætið eggi út í og hrærið vel þannig að þið fáið nokkuð þéttan deigklump.
  • Setjið deigið í pæform eða lausbotna kökuform og þjappið í botninn og aðeins upp á hliðarnar.
  • Bakið í 10-15 mínútur eða þar til botninn er fallega gylltur.

Skref2

  • Setjið smjörið og sírópið í pott, hitið að suðu og hrærið í allan tímann.
  • Lækkið hitann eftir að suðan kemur upp og látið malla í 5 mínutur eða þannig að blandan þykkni og dökkni aðeins.
  • Hellið þá rjómanum út í.
  • Hleypið suðunni aftur upp á meðan þið hrærið, lækkið þá hitann og látið malla í 15 mínútur eða þannig að karamellusósan sjóði rólega niður og þykkni.
  • Hún ætti að vera nógu þykk til að þekja bakhlutann á sleif.

Skref3

  • Takið karamellusósuna af hitanum.
  • Hrærið vanillu og salti saman við.
  • Takið 4-5 msk. af sósunni til hliðar og geymið.
  • Látið sósuna kólna í 10-15 mínútur.

Skref4

  • Saxið Pekanhneturnar frekar gróft en takið nokkrar til hliðar til að skreyta með.
  • Saxið súkkulaðið og setjið í bökubotninn.
  • Dreifið hnetunum jafnt yfir.

Skref5

  • Hrærið einu eggi saman við karamellublönduna sem þið kælduð og hellið yfir söxuðu pekanhneturnar.
  • Skreytið með heilum pekanhnetum.

Skref6

  • Bakið við 160 gráður með blæstri í 40-50 mínútur.
  • Kælið í amk eina klukkustund og berið fram með þeyttum rjóma og afgangs karamellusósunni.

Höfundur: Helena Gunnarsdóttir