- +

Spagettí með risarækjum í hvítvíns rjómasósu

Innihald:
500 g spagettí
500 g hráar risarækjur, skelflettar og hreinsaðar
3 skallottulaukar, smátt saxaðir
2 hvítlauksrif, smátt söxuð
½ tsk. þurrkaðar chilliflögur eða ½ ferskur chilli smátt saxaður (má sleppa)
1 glas hvítvín (2 dl)
1 dós niðursoðnir saxaðir tómatar
250 ml rjómi frá Gott í matinn
Fersk steinselja og sítróna
Smjör, ólífuolía og salt og pipar

Aðferð:

Uppskrift fyrir fjóra.

 

Byrjið á að setja vatn í stóran pott og sjóða pastað eftir leiðbeiningum á umbúðum. Á meðan það sýður er sósan gerð. 

 

Kryddið risarækjurnar með salti og pipar og steikið á vel heitri pönnu upp úr smjöri og smá olíu, takið af pönnunni og setjið til hliðar. Setjið laukinn, hvítlaukinn og chilli á pönnuna og mýkið aðeins í 2-3 mínútur, kryddið með salti og  smá pipar.

 

Hellið hvítvíni yfir, hleypið suðunni upp og látið sjóða niður í nokkrar mínútur eða þar til vínið hefur minnkað um helming. Hellið tómötunum út á pönnuna ásamt rjóma, salti og pipar, hleypið suðunni upp og smakkið til.

 

Skerið rækjurnar í hæfilega stóra munnbita og setjið út í sósuna. Saxið steinseljuna og setjið út í. Setjið pastað að lokum saman við og blandið vel saman.

 

Ef sósan er of þykk er gott að nota dálítið af pastavatninu til að þynna.

 

Berið fram, gott er að kreista smá sítrónu yfir að lokum.

Höfundur: Helena Gunnarsdóttir