- +

Spagettí með mozzarella og tómötum

Innihald:
400 g litlir tómatar, t.d. kirsuberja eða piccolo
3 msk. ólífuolía
3 stk. hvítlauksrif, söxuð
1 stk. sítróna, rifinn börkur af einni sítrónu
1 stk. rautt chili, saxað
sjávarsalt og svartur pipar
2 msk. balsamikedik
500 g ferskt spagettí, eða hefðbundið þó ferskt sé betra
2 stk. stórar mozzarellakúlur, saxaðar
2 msk. ristaðar furuhnetur
rífleg handfylli af basilíku, gróft söxuð
parmesanostur

Aðferð:

1. Setjið tómatana á álpappir og brjótið upp á kantana.

2. Hellið ólífuolíu yfir. Saltið og piprið. Dreifið hvítlauki, chillí og sítrónuberki yfir. Grillið á háum hita í u.þ.b. 10 mínútur. Takið af grillinu og hellið balsamikedikinu yfir. Geymið.

3. Sjóðið pasta samkvæmt leiðbeiningum og blandið síðan saman við tómatana, mozzarellaostinn, furuhneturnar og basilíkuna. Saltið og piprið ef þurfa þykir. Berið strax fram með ferskum parmesanosti.

Höfundur: Erna Sverrisdóttir