Pasta með grænum baunum, blaðlauk og parmesansósu | gottimatinn.is
- +

Pasta með grænum baunum, blaðlauk og parmesansósu

Innihald:
400 g gæðapasta að eigin vali
250 g grænar baunir, frosnar
3 msk. ólífuolía
1 blaðlaukur, meðalstór, fínt skorinn
350 g beikon eða hráskinka (350-400g)
salt og svartur pipar
2 dl rjómi
1 dl pastavatn
5 msk. parmesanostur, rifinn

Aðferð:

Sjóðið pasta skv. leiðbeiningum. Frosnar baunirnar fara saman við pastað í pottinum þegar um 4 mínútur eru eftir af suðutímanum. Hellið olíu á pönnu á miðlungshita. Mýkið laukinn og beikonið/hráskinkuna saman og gætið að því að ofelda ekki laukinn, þá verður alls ekki rétt bragð af réttinum. Saltið og piprið eftir smekk.

 

Veiðið pastavatn úr pottinum og hellið einum desilítra á pönnuna. Hellið rjómanum saman við, hrærið. Stráið ostinum yfir og hrærið. Athugið að þið gætuð vilja hafa meiri sósu á pastað en þá er bara að setja meira pastavatn og meiri rjóma.

 

Hellið vatninu af pastanu og baununum og setjið út í sósuna á pönnunni í smá skömmtum. Borgar sig ekki að setja allt í einu upp á að ná að láta sósuna leika vel um pastað. Frekar bæta pasta á pönnuna þegar búið er að fá sér einu sinni á diskinn. Berið fram. 

Höfundur: Halla Bára Gestsdóttir