- +

Kjúklingur með osti og pasta

Ostakjúklingur:
4 stk. kjúklingabringur, skornar í strimla
2 stk. egg, hrærð
5 msk. hveiti
salt og pipar
5 dl rifinn Tindur, 5-7 dl, magn eftir smekk

Pasta:
4 stk. paprikur, rauðar og gular, skornar smátt
1 stk. blaðlaukur eða rauðlaukur, skorinn smátt
ólífuolía
3 msk. rjómaostur
2 dl rjómi
2 dl pastasoð
smakkið til með salti og pipar, jafnvel smá chillipipardufti
300 g pastaskrúfur eða tagliatelle, 300-400 g

Aðferð:

Ljúffengur og matarmikill réttur sem nánast öllum þykir góður. Ostahjúpaðir kjúklingabitar í kremkenndri sósu sem er full af mýktri papriku, sem gerir hana sæta og mjúka á móti söltum ostinum.

 

Ostakjúklingur, aðferð:

Hitið ofn í 200 gráður. Veltið kjúklingi upp úr hveiti, eggi og osti. Raðið á ofnplötu eða í form.  Eldið þar til kjúklingurinn er klár alveg í gegn, fer algjörlega eftir stærð bitanna. 

Pasta, aðferð:

Mýkið paprikur og lauk í góðri ólífuolíu á pönnu, í um 10-15 mínútur. Setjið rjómaost saman við og látið bráðna saman. Hellið rjóma á pönnuna og látið suðu koma upp. Kryddið og smakkið til.

Sjóðið pasta, þegar það er að verða klárt, takið þá smá pastasoð frá og bætið í nokkrum skömmtum saman við sósuna, eins og þurfa þykir til að ná góðri áferð á hana.

Sósuna má hræra saman við pastað eða setja hana á pastað fyrir hvern og einn. Þá fer kjúklingurinn yfir herlegheitin. Berið fram. 

Höfundur: Halla Bára Gestsdóttir