- +

Kjúklingapasta með heimagerðu pestói - kvöldmatur á 15 mínútum

Innihald:
300 g penne heilhveiti pasta
2 stk kjúklingabringur
1 askja kirsuberjatómatar
½ stk kúrbítur
3 stk hvítlauksrif
ólífuolía
kjúklingakrydd
salt og pipar
1 stk fetakubbur frá Gott í matinn (hreinn fetaostur)

Basilíkupestó:
handfylli fersk basilíka
100 g ristaðar kasjúhnetur
50 g ferskur parmesanostur
safi úr hálfri límónu
salt og pipar eftir smekk
1 dl ólífuolía (1-2 dl, magn eftir smekk)

Aðferð:

Skerið kjúklingabringurnar í litla bita og steikið upp úr smjöri eða olíu á pönnu, kryddið til með kjúklingakryddi, salti og pipar. Skerið niður kúrbít og tómata og bætið út á pönnuna, pressið hvítlauk og steikið áfram í 5-7 mínútur.

Sjóðið pasta samkvæmt leiðbeiningum á pakkanum.

Útbúið pestó með því að setja öll hráefnin í matvinnsluvél eða með því að mauka með töfrasprota. Þykktin á pestóinu stjórnast af magninu á ólífuolíunni. 

Blandið öllum hráefnum saman í skál og myljið vel af hreinum fetaosti yfir.

Berið strax fram og njótið vel. 

 

Basilíkupestó, aðferð:

Setjið öll hráefnin í matvinnsluvél eða maukið með töfrasprota. Þið stjórnið þykktinni á pestóinu með ólífuolíunni. Berið strax fram og njótið. 

Hentar vel með pastaréttum, baguette- og súrdeigsbrauði og fiski.

Höfundur: Eva Laufey Hermannsdóttir