- +

Hakk og spagettí að hætti Ernu Sverris

Innihald:
2 msk ólífuolía
500 g nautahakk, eða 250 g svínahakk og 250 g nautahakk
8 stk beikonsneiðar, saxaðar
3 stk hvítlauksrif, fínsöxuð
1 msk oreganó
¼ tsk rauðar piparflögur, má sleppa
1 stk laukur, saxaður smátt
2 stk gulrætur, fínsaxaðar
1 dós niðursoðnir saxaðir tómatar
2½ dl rauðvín
2 msk tómatamauk (kúfaðar skeiðar)
1½ dl rjómi eða matreiðslurjómi
örlítið múskat
1 dl rifinn cheddarostur
sjávarsalt og svartur pipar

Meðlæti:
500 g spagettí, soðið skv. leiðbeiningum á pakka
cheddarostur, rifinn niður og magn eftir smekk

Aðferð:

1. Steikið hakkið og beikonið upp úr ólífuolíunni þar til allt hefur brúnast. Bætið þá kryddi, lauki, hvítlauki og gulrótum saman við.

2. Hellið víni, niðursoðnum tómötum og tómatamauki saman við. Hrærið. Saltið og piprið. Látið suðuna koma upp og látið malla án loks á lágum hita í u.þ.b. 15 mínútur eða þar til vökvinn er að mestu horfinn. Setjið þá rjómann saman við og smakkið til með múskati, salti og pipar ef þurfa þykir. Látið malla aftur í 10 mínútur. Blandið þá ostinum saman við. Berið strax fram með soðnu spagettí og auka osti.

 

Þessi uppskrift dugar fyrir fjóra.

Höfundur: Erna Sverrisdóttir