- +

Cajun kjúklingapasta

Innihald
500 g Tagliatelle pasta
4 stk kjúklingabringur
2 msk olía
1 tsk Cajun krydd
1 tsk papriku krydd
1 stk hvítlaukur, rifinn
salt og pipar

Sósa
2 msk smjör
1 stk hvítlaukur, rifinn
1 stk paprikuostur
200 g rjómaostur til matargerðar frá Gott í matinn
½ l matreiðslurjómi
1 tsk Cajun krydd
½ tsk paprikukrydd
½ tsk chilli duft
1 tsk sítrónubörkur, 1-2 tsk.
sítrónupipar
salt og pipar

Toppur
steinselja, söxuð
parmesanostur, rifinn
litlir tómatar

Aðferð

Sjóðið pasta samkvæmt leiðbeiningum á pakkanum, ásamt 1 msk af olíu og smá salti. Skerið hverja bringu í 3-4 bita og setjið í skál ásamt rifnum hvítlauk, olíu og kryddum.  Hrærið öllu vel saman. Gott er að láta kjúklinginn liggja örlitla stund í kryddinu, en þó ekki nauðsynlegt. Grillið kjúklinginn á George Forman grilli (eða sambærilegu grilli) eða steikið hann. Gott er að hafa í huga að steikja kjúklinginn ekki of lengi svo hann verður ekki of þurr.

Sósa

Setjið smjör á pönnu og steikið rifinn hvítlauk upp úr smjörinu. Skerið paprikuost í teninga og setjið saman við ásamt rjómaosti og matreiðslurjóma. Hrærið þar til osturinn hefur náð að bráðna alveg og hefur blandast vel saman við rjómann. Blandið kryddum saman við ásamt sítrónuberki. Gott er að smakka sósuna af og til og bæta þá við kryddum eftir smekk. Þeir sem vilja hafa sósuna extra sterka geta sett meira af Cajun kryddi og chilli.

Þegar pastað hefur náð að sjóða, hellið þá vatninu af pastanum og blandið því saman við sósuna. Hrærið vel í svo að sósan þekji pastað vel. Setjið pastað í skál, skerið kjúklinginn í bita, grófsaxið steinselju og setið ofan á, ásamt parmesanosti og tómötum. 

Höfundur: Thelma Þorbergsdóttir