- +

Valhnetufluff

Innihald:
100 g valhnetur
125 g hreinn rjómaostur frá MS
100 ml stífþeyttur rjómi
1 msk. ferskur sítrónusafi
salt og pipar eftir smekk

Aðferð:

Byrjið á að taka 25 g af valhnetum í skál og hellið yfir 50 ml af sjóðandi vatni. Látið standa í 5 mínutur eða þar til valhneturnar eru orðnar mjúkar – notið svo töfrasprota á þetta til að fá silkimjúkt mauk.

Myljið afgang af valhnetum og skellið í skál ásamt rjómaosti og hnetumaukinu, kreistið ferskan sítrónusafa úti og hrærið saman. Bætið stífþeytta rjómanum varlega saman við ásamt salti og pipar eftir smekk. Blandan er frekar laus og létt í sér en það er gott að kæla blönduna í nokkrar klukkustundir og taka svo út korter fyrir notkun.

Gott að bera fram með góðu súrdeigsbrauði, ferskum apríkósum og döðlum. 

Fleiri möguleikar:

  • Gott að hafa með grillmat, sérstaklega lax eða bleikju.
  • Prófið að bæta hunang eða hlynsíróp saman við og berið fram með bökuðum eplum.
  • Myljið gráðost úti blönduna og setjið á bakaðar kartöflur.
  • Setjið smá chilli eða cayenne saman við og berið fram með ofnbökuðu rótargrænmeti.

Höfundur: Eirný Sigurðardóttir