- +

Rjómaostur með hnetusmjöri og hunangsristuðum pekanhnetum

Rjómaostur:
125 g rjómaostur (ein lítil dós, 125 g)
hnetusmjör að eigin vali (magn eftir smekk, má sleppa)
2 msk. hlynsíróp

Pekanhnetur:
1 bolli pekanhnetur, um 125 g
2 msk. hunang
örlítið sjávarsalt

Aðferð:

Rjómaostur, aðferð:

Hrærið hráefnið saman í þeytara eða hrærivél, betra að gera það með sleikjunni í hrærivélinni en þeytaranum. Hrærið þar til úr verður mjúk og slétt blanda. 

 

Pekanhnetur, aðferð:

Hitið ofn í 200 gráður. Dreifið vel úr hnetunum á bökunarplötu og ristið þær í 12-15 mínútur. Gætið að því að brenna ekki hneturnar, þarf að fylgjast með þeim. Takið úr ofninum.

Hitið pönnu á meðalhita. Setjið hneturnar og hunangið á pönnuna og blandið vel. Látið malla saman í 4-6 mínútur svo hneturnar þekist vel.

Setjið bökunarpappír á bökunarplötu. Dreifið úr hunangsgljáðum hnetunum, saltið örlítið og stingið aftur í ofninn í 2-3 mínútur. Takið þá út og látið kólna alveg.

Þegar hneturnar eru orðnar kaldar og stökkar, fara þær í matvinnsluvél þar sem þær eru muldar niður. Ekki gera þær að mauki, haldið grófleika. Setjið þá hnetumixið saman við ostablönduna í hrærivélinni og hrærið aðeins saman.

Setjið ostinn í huggulega krukku og kælið. Berið fram.

 

Osturinn er mjög góður með öllu nýju brauði, heimalöguðum bollum, grófu hafrakexi og beylum. Einnig er hann sniðugur til að nota í sætar fyllingar, sbr. í snúða.

Höfundur: Halla Bára Gestsdóttir