Menu

Ofnbakaður fiskur með Miðjarðarhafsgrænmeti og jógúrtsósu

Fiskréttur aðferð:
Hitið ofninn í 200°C. Skerið fiskinn í bita og kryddið þá með pipar og salti. Penslið eldfast mót með dálitlu af olíunni og raðið fiskinum í það. Hitið afganginn af olíunni á pönnu og látið laukinn krauma í henni í nokkrar mínútur. Bætið þá kúrbít, papriku, tómötum og ólífum á pönnuna og látið krauma við meðalhita í nokkrar mínútur, eða þar til grænmetið er farið að mýkjast dálítið. Kryddið með pipar og salti og hellið grænmetinu yfir fiskinn. Stráið ostinum yfir og bakið í ofni í 15-20 mínútur, eða þar til fiskurinn er rétt steiktur í gegn. Berið fram t.d. með salati og jógúrtsósu.

Jógúrtsósa aðferð:
Blandið öllu vel saman, smakkið og bragðbætið eftir þörfum. Ef óskað er eftir þynnri sósu má hræra soði úr fiskfatinu saman við.

Innihald

1 skammtar

Fiskréttur

salt og pipar
roðflett og beinhreinsuð fiskflök – ýsa, þorskur eða annar hvítur fiskur (700-800 g)
olía
laukur, saxaður
kúrbítur, skorinn í bita
rauð paprika, skorin í bita
kirsiberjatómatar
ólífur
gratínostur

Jógúrtsósa

pipar og salt
jógúrt án ávaxta eða grísk jógúrt
ólífuolía
hunang
hvítlauksgeirar, pressaðir

Höfundur: Nanna Rögnvaldsdóttir