- +

Vöfflur með sírópssmjöri og eplabeikonkurli

Vöfflur
1½ dl hveiti
2 tsk lyftiduft
3 msk sykur
½ tsk sjávarsalt
2½ dl grísk jógúrt
4 stk egg
1½ dl mjólk

Sírópssmjör
225 g smjör
1⅔ dl hlynsíróp

Beikonkurl
300 g beikon, skorið í litla bita
1 stk rautt epli, skorið í litla bita
1 dl valhnetur, saxaðar
2 msk hlynsíróp

Aðferð:

1. Pískið öllu saman sem á að fara í vöfflurnar. Látið standa við stofuhita í 30 mínútur. Bakið í vöfflujárni.

2. Bræðið smjörið í mjög stórum potti á háum hita. Það er mjög mikilvægt að nota stóran pott. Hrærið þar til bráðnað. Látið malla þar til það er orðið gullinbrúnt. Tekur u.þ.b. 5 mínútur. Hellið hlynsírópinu yfir. Hrærið á meðan og látið malla í 1 mínútu. Hellið í skál sem þolir hátt hitastig og geymið í kæli í 20-30 mínútur. Setjið smjörið þá í hrærivélaskál eða notið handþeytara og hrærið þar áferðin verður þykk.

3. Steikið beikonbitana á pönnu. Bætið síðan eplabitum og valhnetum saman við. Látið malla í 2 mínútur. Hellið þá 2 msk af hlynsírópi yfir og látið malla áfram í 1 mínútu eða svo. Berið síðan fram með vöfflum og sírópssmjöri. 

Höfundur: Erna Sverrisdóttir