- +

Skinkuhreiður

Innihald
4 stk. þykkar skinkusneiðar
1 dl. rifinn mozzarella ostur
4 stk. egg
4 tsk. pestó, grænt eða rautt
4 stk. kirsuberjatómatar, skornir í tvennt
sjávarsalt og svartur pipar

Aðferð:

1. Stillið ofninn á 180°C.

2. Spreyið muffins form með olíu eða fituberið á annan hátt. Klæðið hvert varlega með skinkusneið.

3. Dreifið ostinum jafnt ofan í og brjótið egg og setjið yfir. Saltið aðeins og piprið. Látið svo 1 tsk. af pestói í hvert hreiður. Toppið loks með tómötunum. Bakið í 15-20 mínútur eða þar til eggin eru orðin stíf. Berið strax fram e.t.v. með fersku salati.

Höfundur: Erna Sverrisdóttir