Morgunverðar frittata með mozzarrella og tómötum | gottimatinn.is
- +

Morgunverðar frittata með mozzarrella og tómötum

Innihald:
6 stk. egg
1 dl mjólk
10 stk. kirsuberjatómatar
1 stk. stór mozzarellakúla
handfylli ferskt basil
2 msk. smjör
sjávarsalt og nýmalaður pipar

Aðferð:

Frittata svipar til eggjaköku en í hana er að auki sett niðurskorið grænmeti og oft kjötmeti og ostar.

 

Pískið eggin og mjólkina saman og kryddið með salti og pipar.

Bræðið smjör á pönnu, skerið tómatana í tvennt og steikið upp úr smjörinu þar til þeir brúnast aðeins. Kryddið með salti og pipar.

Hellið eggjunum yfir.

Skerið mozzarella ostinn í litla teninga og dreifið svo yfir.

Setjið lok á pönnuna og eldið þar til eggin eru bökuð í gegn eða stingið inn í bakarofn undir grill og eldið þar til tilbúið.

Stráið að lokum fersku söxuðu basil yfir og skreytið með ferskum tómötum. 

Höfundur: Helena Gunnarsdóttir