- +

Jógúrt pönnukökur með bláberjum og sítrónu

Innihald:
4½ dl hveiti
2 msk. sykur
1 tsk. lyftiduft
½ tsk. matarsódi
¼ tsk. salt
2 stk. egg
2½ dl mjólk
2½ dl hrein jógúrt
50 gr brætt smjör (og meira til steikingar)
1 tsk. vanilludropar
5 dl bláber
1 tsk. rifinn sítrónubörkur

Aðferð:

Blandið saman hveiti, sykri, lyftidufti, matarsóda og salti.

Pískið saman í annarri skál, eggjum, mjólk, jógúrt, bræddu smjöri og vanillu.

Blandið þessu varlega saman við þurrefnin þar til rétt svo komið saman.

Ef ykkur finnst deigið of þykkt, bætið þá örlítilli mjólk saman við.

Blandið svo bláberjunum og sítrónuberkinum varlega saman við.

Hitið pönnu á meðalhita og bræðið á henni dálítið smjör.

Steikið pönnukökurnar, hver pönnukaka er um ½ dl af deigi.

Snúið pönnukökunum við þegar loftbólur taka að myndast ofan á þeim.

Steikið þá örstutt á hinni hliðinni.

Haldið pönnukökunum heitum og berið fram með dálitlu volgu hlynsírópi (hægt að hita við vægan hita í litlum potti) og meiri bláberjum.

Höfundur: Helena Gunnarsdóttir