- +

Amerískar beikonosta-skonsur með eggjahræru og lárperu

Beikonosta-skonsur
4½ dl hveiti
2 tsk lyftiduft
1 msk sykur
sjávarsalt á hnífsoddi
1 tsk svartur pipar
3 msk smjör, skorið í örsmáa teninga
2 dl rifinn cheddarostur
6 stk beikonsneiðar
1 stk egg
1 dl mjólk

Eggjahræra
6 stk egg
¾ dl rjómi eða mjólk
¼ tsk salt
2 msk saxaður vorlaukur
1½ dl mozzarellaostur, rifinn

Aðferð:

1. Stillið ofninn á 200°.

2. Saxið beikonið og steikið á pönnu. Setjið til hliðar.

3. Hrærið saman hveiti, lyftidufti, salti, pipar og sykri. Bætið smjörinu saman við og myljið það saman við með höndunum.

4. Setjið ⅔ af beikoninu og ⅔ af ostinum saman við deigið.

5. Búið til holu í deigið og setjið mjólk og eggið þar ofan í. Hrærið saman en passið að ofhnoða ekki.

6. Leggið deigið á borðplötu og skerið út átta kökur með hringformi eða glasi sem er u.þ.b. 5 cm í þvermál. Setjið skonsurnar á bökunarplötu klædda bökunarpappír. Penslið þær með smá mjólk og sáldrið restinni af beikoninu og ostinum yfir. Bakið í 10-12 mínútur.

7. Þá er það eggjahræran. Pískið saman allt nema ostinn. Hitið pönnu við lágan hita. Spreyið með olíu. Hellið eggjahrærunni á pönnuna. Hrærið ekki. Þegar eggin byrja að stífna við kannt og í miðju lyftið þá hrærunni með spaða. Sáldrið ostinum yfir og haldið áfram að lyfta með spaða, þar til eggjahræran er tilbúin.

8. Skerið skonsurnar í tvennt og smyrjið með majónesi, magn fer eftir smekk. Setjið eggjarhræru og lárperusneiðar ofan á og leggið saman. 

Höfundur: Erna Sverrisdóttir