Möndlukökur með súkkulaði

Aðferð

• Setjið hveiti, lyftiduft og salt saman í skál, hrærið og setjið til hliðar.
• Setjið smjör og möndlusmjör í skál og hrærið þar til smjörið hefur blandast vel saman og orðið mjúkt og slétt.
• Bætið púðursykri og sykri saman við og hrærið, skafið hliðarnar vel á skálinni svo allt blandist vel saman.
• Hrærið þar til blandan verður  ljós og létt.
• Setjið egg og vanilludropa saman við og hrærið.
• Blandið hveitiblöndunni saman við deigið, smátt og smátt í einu o g hrærið þar til allt hefur náð að blandast vel saman.
• Saxið möndlurnar og súkkulaðið gróflega niður og blandið saman við deigið.
• Myndið kúlur úr rúmlega 1 matskeið af deigi í hverja köku og raðið með jöfnu millibili á bökunarplötu með smjörpappír.
• Bakið í 12-15 mínútur eða þar til kökurnar hafa náð fallegum gulbrúnum lit.
• Kælið kökurnar í 10 mínútur áður en þið takið þær af bökunarplötunni.

Höfundur: Thelma Þorbergsdóttir