- +

Ostafylltir hamborgarar með Mexíkóosti og ferskri salsasósu

Tex Mex borgarar
500 g hreint ungnautahakk (500-600 g)
1 msk ólífuolía
1 msk worchestersósa
½ stk Mexíkóostur
4 msk rifinn ostur
salt og pipar

Fersk salsasósa
6 stk vel þroskaðir eldrauðir tómatar
1 stk lítill rauðlaukur, skorinn smátt
1 stk hvítlauksrif, rifið eða smátt saxað
1 stk lítill grænn chilipipar (meira eða minna eftir smekk)
góð handfylli ferskt kóríander
safi úr einni límónu
1 tsk sjávarsalt

Meðlæti
4 stk hamborgarabrauð
tortilla flögur
sýrður rjómi
lauksneiðar
ferskt salat að eigin vali
avocado
tómatsneiðar

Aðferð:

Þessi uppskrift dugar í 4 borgara.


Blandið worchester og ólífuolíu vel saman við hakkið. Skiptið blöndunni jafnt niður í 4 hluta. Takið hvern hluta og skiptið svo í tvennt. Leggið þykka sneið af Mexíkóostinum á hakkið og leggið svo annan hakk hluta ofan á, fletjið út  og mótið í hamborgara þannig að osturinn sé í miðjunni á hverjum borgara. Kryddið vel með salti og pipar og grillið á vel heitu grilli þar til eldaðir í gegn. Stráið rifnum osti ofan á hvern borgara rétt áður en þið takið þá að grillinu og leyfið aðeins að bráðna. 

 

Fersk salsa sósa

Allt sett í matvinnsluvél eða blandara og blandað/púlsað þannig að útkoman verði frekar gróf salsa sósa. Ekki mauka of lengi. Smakkið til með salti og sigtið aðeins af vökvanum frá áður en salsa sósan er borin fram. Geymist í ísskáp í 2-3 daga.

Ef þið eigið ekki matvinnsluvél eða blandara er líka hægt að skera allt hráefnið frekar smátt með hníf og blanda saman, geri það stundum þegar ég nenni ekki vélaveseninu. Það er alveg jafn gott!

Berið hamborgana fram með hamborgarabrauðum, salsa sósunni, tortilla flögum, sýrðum rjóma, lauksneiðum, salati, avocado og tómatsneiðum.

Höfundur: Helena Gunnarsdóttir