- +

Ofnbakaðar nachos með nautahakki, baunum og osti

Innihald
400 g nautahakk
repjuolía
1 ds niðursoðnar pintobaunir, skolaðar
2½ dl salsasósa
300 g nachosflögur
2½ dl rifinn cheddarostur
2½ dl rifinn mozzarellaostur í poka
3 stk vorlaukar, skornir í þunna bita
stórt handfylli af ferskum kóríander, saxað
1 stk stórt grænt chillí, skorið í örþunnar sneiðar

Meðlæti
sýrður rjómi
salsasósa

Aðferð:

1.  Stillið ofninn á 180°.

2.  Steikið hakkið á pönnu. Bætið baununum og salsasósunni saman við.

3.  Setjið helminginn af nachosflögunum á bökunarplötu klædda bökunarpappír eða í stórt  eldfast mót. Dreifið helmingnum af hakkblöndunni yfir. Sáldrið næst helmingnum af ostunum ofan á. Bakið í 10 mínútur.

4.   Takið úr ofninum og sáldrið restinni af nachosflögunum ofan á, þá afganginum af hakkinu og loks hinum helmingnum af ostinum. Setjið aftur í ofninn og bakið áfram í aðrar 10 mínútur.

5.   Sáldrið þá vorlauk, chillí og kóríander yfir og berið strax fram með sýrðum rjóma og salsasósu.

Höfundur: Erna Sverrisdóttir