- +

Nauta chili í bjór og dökku súkkulaði

Innihald:
3 stk. hvítlauksrif, tvö með hýði og eitt án
2 stk. rauð chillí, fræhreinsuð og skorin í tvennt
¼ tsk. cuminfræ
3 stk. piparkorn
1 stk. negull
⅔ dl vatn
½ tsk. eplaedik
¼ tsk. óreganó
Hrásykur á hnífsoddi
500 g nautagúllas
½ tsk. salt
2 msk. repjuolía
½ stk. laukur, saxaður
1½ dl tómatpassata
1¼ dl vatn
1¾ dl bjór
100 g niðursoðinn jalapeno og helmingurinn af vökvanum úr dósinni
20 g dökkt súkkulaði
sjávarsalt og svartur pipar

Aðferð:

Fyrir fjóra.

 

1. Setjið óafhýddu hvítlauksrifin á heita pönnu og brúnið þar til þau verða mjúk. Takið þá hýðið af þeim. Á sömu pönnu brúnið chiliið. Setjið það svo í kalt vatn í 20 mínútur. Sigtið svo vatnið frá. Ristið cuminfræ, negul og piparkorn á pönnunni þar til ilmar.

2. Setjið hvítlauksrifin, (elduðu og óeldaða), chili og krydd í matvinnsluvél ásamt ⅔ dl af vatni, eplasíderediki, óreganókryddi og sykri. Maukið.

3. Saltið nautakjötsbitana og steikið þá í skömmtum og setjið til hliðar.

4. Steikið laukinn þar til hann er orðinn mjúkur. Bætið maukuðu sósunni saman við og látið malla í 5 mínútur. Setjið 1 ¼ dl vatn út í ásamt bjór, tómatapassata, jalapeno og jalapenovökva. Látið suðuna koma upp og setjið þá kjötið saman við. Látið malla á vægum hita í 1 ½ - 2 klukkutíma undir loki. Að þeim tíma liðnum setjið súkkulaðið út í og smakkið til með salti og pipar. Ef sósan er ekki nógu þykk er gott að láta hana malla aðeins lengur án pottloks. Berið fram með meðlætinu.

 

Meðlæti:

sýrður rjómi, eftir smekk

saxaðir tómatar, eftir smekk

ferskt kóríander, eftir smekk

lárpera í sneiðum, eftir smekk

rifinn ostur, eftir smekk

tortillakökur, heimatilbúnar eða aðkeyptar

ananasmaissalsa

Höfundur: Erna Sverrisdóttir