- +

Mexíkósúpa

Innihald:
4 stk. rauðlaukar
3 stk. hvítlauksrif, rifin niður
1 stk. rauður ferskur chilipipar
10 dl vatn
2 stk. kjúklingakrafts teningar
2 stk. kjötkrafts teningar
1 tsk. cayenne pipar (setja 1/2 fyrst og smakka svo)
4 dósir niðursoðnir tómatar, skornir smátt
6 stk. ferskir tómatar, skornir í grófa bita
½ l matreiðslurjómi (meira fyrir sælkera)
5 stk. kjúklingabringur
Salt og pipar

Aðferð:

Setjið eina msk. af ólífuolíu í stóran pott. Skerið rauðlaukinn gróflega niður og steikið hann í pottinum.

Bætið hvítlauknum saman við og hrærið, passið að hvítlaukurinn brenni ekki.

Þegar rauðlaukurinn er aðeins farinn að brúnast bætið þið restinni saman við.

Byrjið á því að setja niðursoðnu tómatana saman við ásamt vatninu og kjúklinga- og kjötkraftinum.

Bætið svo saman við Cayenne piparnum, chilipiparnum og fersku tómötunum.

Steikið kjúklinginn á sér pönnu með smá salti og pipar. Best er að setja kjúklinginn saman við þegar súpan er alveg að verða tilbúin. Smakkið súpuna og bætið við pipar, salti eða Cayenne pipar eftir smekk. Ef ykkur finnst súpan of bragðlítil getið þið bætt við kryddum eins og Cayenne pipar. Hann gerir súpuna sterkari. Ef ykkur finnst hún vera orðin of sterk þá bætið þið bara aðeins meira af rjóma saman við.

Höfundur: Thelma Þorbergsdóttir