- +

Mexíkóskt lasanja

Innihald
1 msk. matar- eða ólífu
1 stk. rauðlaukur, fínsaxaður
2 stk. hvítlauksrif, marin
800 g nautahakk
2 tsk. cumin
2 tsk. kóríander
1½ tsk. kanill
1½ tsk. chilíkrydd
2 msk. tómatpúrra
2½ dl tómatpassata
sjávarsalt og svartur pipar
1 poki rifinn mozzarellaostur
300 g rifinn cheddarostur
6 stk. tortillakökur 6-8 stk
ferskur kóríander, saxaður, eftir smekk

Meðlæti
sýrður rjómi

Þessi uppskrift dugar fyrir 6-8 manns.

Aðferð:

Stillið ofninn á 200°.

2.  Steikið laukana upp úr olíu á stórri pönnu. Bætið hakkinu út í. Kryddið.

3.  Setjið tómatpúrru og tómatpassata saman við og látið malla í 10 mínútur. Smakkið til með pipar og salti.

4. Blandið ostunum saman í skál.

5.  Olíuberið stórt eldfast mót. Raðið 3-4 tortillakökum í botninn. Allt í lagi að klippa þær til ef þurfa þykir. Látið kökurnar ná upp á barma formsins. Hellið helmingnum af hakkinu ofan á. Sáldrið síðan helmingnum af ostablöndunni yfir. Leggið aðrar 3-4 tortillakökur ofan á og svo restina af hakkinu og loks það sem eftir er af ostinum. Bakið í 20-25 mínútur.

6.  Sáldrið kóríander yfir og berið fram með sýrðum rjóma og salati.

Höfundur: Erna Sverrisdóttir