- +

Kjúklingaleggir með salsa og nachoshjúpi og appelsínu-kanilsósu

Kjúklingaleggir
12 stk kjúklingaleggir
sjávarsalt og svartur pipar
repjuolía
3½ dl sterk tacosósa
10 dl nachosflögur, muldar
1 dl rifinn cheddarostur
1 dl rifinn mozzarellaostur

appelsínu-kanilsósa
2 dl sýrður rjómi
1 tsk fínrifinn appelsínubörkur
2 msk appelsínusafi
2 tsk hunang
kanill, eftir smekk
sjávarsalt

Aðferð:

Kjúklingaleggir aðferð:

1.     Stillið ofninn á 200°.

2.     Setjið álpappír í ofnskúffu og olíuberið.

3.     Þerrið kjúklingaleggina, saltið og piprið.

4.     Hellið tacosósu í djúpa skál og setjið muldu nachosflögurnar á grunnan disk.

5.     Dýfið kjúklingaleggjum upp úr sósunni og veltið þeim síðan upp úr nachosflögum. Leggið í           ofnskúffuna og bakið í 40 mínútur.

6.     Blandið ostunum saman og sáldrið yfir kjúklingaleggina um leið og þeir koma úr ofninum.             Berið fram með appelsínukanilsósu og e.t.v. salati og hrísgrjónum.

 

Appelsínusósa aðferð:

1.     Blandið fyrstu fjórum hráefnunum saman. Smakkið til með kanil og salti.

Höfundur: Erna Sverrisdóttir