- +

Heit ostaídýfa með tequila

Hráefni
½ msk ólífuolía
1 stk stór tómatur, kjarnhreinsaður og skorinn í bita
1 stk jalapeno eða 1 stk lítið grænt chili, kjarnhreinsað og fínsaxað
2 stk skallottulaukar, fínsaxaðir
sjávarsalt á hnífsoddi
1½ msk tequila eða sama magn af hvítvíni
3½ dl gratínostur
ferskt kóríander eftir smekk
mexíkóskar flögur (nachos) eða tortillur skornar í litla bita

Aðferð:

1. Takið fram pott og hitið olíuna. Steikið tómatabitana, jalapenoið/chiliið og laukinn í u.þ.b. 5 mínútur á meðalhita eða þar til mjúkt.

2. Hellið víninu út í og hrærið saman þar til gufað upp.

3. Lækkið hitann undir pottinum og setjið ostinn saman við. Hrærið stöðugt þar til osturinn er bráðinn.

4. Setjið í skál og sáldrið kóríander yfir. Berið strax fram með flögum eða tortillabitum.

Höfundur: Erna Sverrisdóttir