Menu

Mexíkóskt kjúklingalasanja og guacamole

Hér er á ferðinni ákaflega gómsætt mexíkóskt lasagna með tættum kjúklingi og dúndur góðu guacamole. Þetta er ekta helgarmatur!

Innihald

4 skammtar

Kjúklingalasanja:

kjúklingabringur
taco kryddblanda
laukur, saxaður
hvítlauksrif, smátt söxuð (2-3)
chiliduft
óreganó
kúmen
dós hakkaðir tómatar
kjúklingasoð (vatn og kraftur)
tómatpúrra
vorlaukar, smátt skornir (4-5 stk.)
Salt, pipar og olía
pokar rifinn mozzarella ostur frá Gott í matinn
dós 10% sýrður rjómi frá Gott í matinn
Ferskt kóríander og mulinn fetaostur til skreytingar

Skref1

  • Kryddið kjúklingabringurnar með taco kryddinu og hitið pönnu með smá olíu við meðalhita.
  • Steikið bringurnar í um 7 mínútur á hvorri hlið, eða þar til eldaðar í gegn.
  • Takið þá af pönnunni og setjið á disk.
  • Bætið örlítilli olíu á pönnuna ef þarf og steikið laukinn og hvítlaukinn þar til hann mýkist aðeins.
  • Bætið kryddunum á pönnuna og steikið þau aðeins.

Skref2

  • Hellið tómötunum, soðinu og tómatpúrru á pönnuna og hleypið suðunni upp.
  • Smakkið til með salti og pipar. Leyfið að sjóða við vægan hita í 5-10 mínútur.
  • Maukið sósuna með töfrasprota eða í blandara (má sleppa þessu líka).

Skref3

  • Setjið smávegis af kjötsósunni í botninn á formi eða djúpri pönnu sem þolir að fara í ofn.
  • Leggið tortillakökur ofan á, því næst meiri kjötsósu, smá sýrðan rjóma, rifinn ost og aftur tortillakökur.
  • Í þessa uppskrift fara 6 tortillakökur sem voru skornar niður og skipt í þrjú lög.
  • Endið á kjötsósu, sýrðum rjóma og osti.

Skref4

  • Bakið í ofni við 180 gráður í 25 mínútur.
  • Stráið fersku kóríander og muldum fetakubbi yfir og berið fram t.d. með guacamole og nachosflögum.

Guacamole aðferð

  • Skerið lárperurnar (avocado) í tvennt og fjarlægið steininn.
  • Skerið í lárperurnar með hníf þannig að þið myndið frekar stóra teninga, skafið hana svo úr hýðinu með matskeið í stóra skál.
  • Blandið öllu vel saman og smakkið til með salti og sítrónusafa.
  • Við viljum hafa okkar guacamole frekar gróft, ef þið viljið ekki svona grófa áferð getið þið t.d. stappað það með gaffli.

Höfundur: Helena Gunnarsdóttir