Menu
Mexíkólasanja með rjómalagaðri jalapeno-ostasósu

Mexíkólasanja með rjómalagaðri jalapeno-ostasósu

Skemmtileg tilbreyting frá hefðbundnu lasanja og það skemmir svo sannarlega ekki fyrir hvað það er auðvelt að útbúa þennan rétt.

Innihald

4 skammtar
nautahakk
taco krydd
matreiðslurjómi frá Gott í matinn
Mexíkóostur
gular baunir (hálf til heil dós)
nýrnabaunir (hálf til heil dós)
chunky salsa
mjúkar mais tortillur
ferskir tómatar
rifinn gratínostur frá Gott í matinn
rauðlaukur og paprika eftir smekk

Skref1

  • Ofninn er hitaður í 190 gráður.
  • Steikið hakkið á pönnu með kryddinu samkvæmt leiðbeiningum.
  • Skerið Mexíkóostinn í bita.
  • Í pott fara saman rjóminn og Mexíkóosturinn þar til osturinn er bráðnaður.
  • Þegar hakkið er tilbúið er baununum blandað saman við hakkið á pönnunni.

Skref2

  • Í botninn á eldföstu móti eða bökuformi fara tortilla kökur, þar næst hakkblandan og ofan á hakkið fer Mexíkó-sósan.
  • Ofan á sósuna fara svo aftur tortillakökur og hakk ofan á þær og salsasósan ofan á hakkið.
  • Að lokum er settur rifinn ostur yfir réttinn og fatið inn í ofn í 15-20 mínútur.
  • Þegar lasanjað er tilbúið er gott að dreifa yfir það ferskum niðurskornum tómatbitum áður en það er borið fram.

Höfundur: Gígja S. Guðjónsdóttir