- +

Rjómalagaður dijon kjúklingur - KETO

Innihald:
800 g úrbeinuð kjúklingalæri
1 rauðlaukur, gróft saxaður
1 msk. timían, ferskt eða þurrkað
1 dl hvítvín (má sleppa og nota bara kjúklingasoð)
2 dl kjúklingasoð (vatn og kjúklingakraftur)
2 dósir sýrður rjómi 36% frá Gott í matinn
2 msk. dijon sinnep (2-3 mks. og gott að nota gróft og venjulegt til helminga)
Salt og pipar
Smjör til steikingar
Fersk steinselja

Aðferð:

Uppskrift fyrir fjóra.

 

Byrjið á að hita pönnu með dálitlu smjöri, kryddið kjúklinginn með salti og pipar og steikið báðum megin þar til vel brúnaður. Setjið á disk og lækkið aðeins hitann á pönnunni.

 

Steikið laukinn í 2-3 mínútur eða þar til hann mýkist aðeins. Kryddið með timían, salti og pipar.

 

Hellið hvítvíni og kjúklingasoði á pönnuna, skafið vel botninn og leyfið að sjóða í nokkrar mínútur. Bætið þá sýrða rjómanum út á ásamt Dijon sinnepi. Leyfið aðeins að malla og smakkið ykkur til.

 

Setjið að lokum kjúklinginn út í sósuna og leyfið að eldast í um það bil 10 mínútur við meðalhita. Stráið ferskri steinselju yfir að lokum og berið fram.

 

Gott að bera fram með blómkálsmús með sýrðum rjóma og vorlauki.

Höfundur: Helena Gunnarsdóttir