- +

Ofnbakaðar svínakótilettur með papriku í sterkri rjómasósu

Innihald
4 stk stórar svínakótilettur með beini eða 8 minni
2 dl sýrður rjómi, 18%
4 dl rjómi
2 tsk Sambal oelek
1 dl Tamarisósa
1 stk stór rauð papríka, skorin í bita
smjör
svartur pipar

Aðferð:

1. Stillið ofninn á 170°.

2. Brúnið svínakótilettur á pönnu upp úr smjöri. Leggið í eldfast mót. Piprið og saltið örlítið.

2. Pískið saman rjóma, sýrðan rjóma, sambal oelek og tamarisósu og hellið yfir kjötið.

3. Leggið paprikusneiðar ofan á og eldið í 60-70 mínútur.

 

Tillögur:

Skiptið svínakjöti út fyrir lambalærisneiðar.

Berið fram með smjörsteiktu spergilkáli eða smjörsteiktu spínati.

Höfundur: Erna Sverrisdóttir