- +

Fylltar paprikur - KETO

Innihald:
6 meðalstórar paprikur
1 msk. ólífuolía
3 hvítlauksgeirar
½ smátt saxaður laukur
500 g nautahakk
1 dós niðursoðnir tómatar í bitum
2 msk. tómatpúrra
1 stk. pepperoniostur
Salt, hvítlaukskrydd, pipar, ítölsk kryddblanda eða önnur krydd

Aðferð:

Skerið toppinn af hverri papriku og saxið þann hluta niður til að nýta í réttinn. Holið paprikurnar því næst að innan.

 

Steikið hvítlauk og lauk í ólífuolíunni og bætið söxuðu paprikunni saman við og þá nautahakkinu og steikið þar til hakkið hefur brúnast vel.

 

Hellið þá tómötum, tómatpúrru og kryddum saman við og leyfið í malla í um fimm mínútur og rífið pepperoniostinn niður á meðan.

 

Fyllið hverja papriku til hálfs með hakkblöndu, stráið rifnum osti yfir, fyllið þá aftur með hakkblöndu og stráið aftur rifnum pepperoniosti yfir toppinn.

 

Bakið við 180°C í um 20 mínútur.

Höfundur: Berglind Hreiðarsdóttir