- +

Florentine egg með Óðals Tindi - KETO

Innihald:
4 egg
2 tsk. edik
Salt

Sósa:
150 g rifinn Óðals Tindur
½ dl rjómi frá Gott í matinn
Salt og pipar
⅓ tsk. laukduft
Graslaukur

Spínatblanda:
1 stór spínatpoki
1 gulur laukur
2 hvítlauksrif
2 msk. olía
Salt og pipar

Keto brauð:
15 g sólblómamjöl frá Funksjonell
1 egg
1 tsk. Husk
1 msk. kókosolía eða MCT
¼ tsk. laukduft
Nokkur saltkorn
Vatn eftir þörfum

Aðferð:

Best er að byrja á að steikja spínatið.

Steikið upp úr olíunni gulan lauk og bætið svo hvítlauknum saman við. Setjið einn poka af spínati pönnuna og látið sjóða niður og steikjast í lauknum.

Ef við þið viljið brauð undir eggin þá er fljótlegt að skella deiginu í örbylgjuofninn á meðan þið sjóðið eggin. Hrærið innihaldinu saman í brauðið, uppskrift hér að ofan og setjið í örbylgjuvænt form. Bakið í 90 sek. Gott að láta kólna og skera síðan í tvo helminga og rista.

Hitið nú vatn í potti fyrir eggin, setjið salt út í ásamt ediki og látið byrja að krauma. Brjótið egg í litlar skálar og hellið varlega út í pottinn, ágætt að nota frekar grunnan pott með ca 5 cm vatnshæð.

Látið eggin sjóða í ca 4 mín, veiðið þá upp á látið á eldhúsbréf.

Ostasósan er afar einföld, setjið rjóma í pott, rifinn ost saman við og krydd og hrærið þar til þykk og góð sósa er tilbúin í eggjafjörið.

Nú má annaðhvort bera spínatið beint fram á brauði eða setja í form og eggin þar ofan á, rifinn ost og skella undir grill í ofni í nokkrar mín.

Hellið sósunni svo yfir þegar borið er fram og skreytið með graslauk.

Sama saga ef notað er brauð, þá er spínati komið fyrir á sneiðinni, egginu þar ofan á og sósa yfir allt.

Höfundur: María Krista Hreiðarsdóttir