- +

Eggja og beikonmúffur með osti og vorlauk - KETO

Innihald:
12 sneiðar beikon (um eitt bréf)
6 egg
1 dós 18% sýrður rjómi frá Gott í matinn
1 poki rifinn pizzaostur frá Gott í matinn
4 vorlaukar, smátt saxaðir
Smjör til að smyrja bollakökuformin
Salt og pipar

Aðferð:

Hitið ofn í 180 gráður með blæstri. Raðið beikoninu á plötu klædda bökunarpappír og bakið í um það bil 10 mínútur eða þar til beikonið er byrjað að bakast vel en ekki orðið alveg stökkt. Smyrjið bollakökuformin að inna með dálitlu smjöri.

Raðið tveimur beikonsneiðum innan í bollakökuform, brjótið egg í miðjuna og toppið með 1 tsk. sýrðum rjóma, salti og pipar og rifnum osti.  Setjið í ofninn og bakið í 9-10 mínútur, þá ætti eggjarauðan ennþá að vera dálítið mjúk. Bakið í um 12 mínútur ef þið viljið eggið eldað í gegn. Takið úr ofninum og stráið vel af vorlauki yfir hverja múffu. Berið fram strax.

Höfundur: Helena Gunnarsdóttir