- +

Blómkálsmús með sýrðum rjóma og vorlauk - KETO

Innihald:
1 stórt höfuð blómkál, skorið niður og stilkurinn fjarlægður
1 msk. smjör
2 msk. sýrður rjómi 36% frá Gott í matinn
3 vorlaukar (3-4), smátt saxaðir
Salt og pipar

Aðferð:

Setjið blómkálið í pott og hellið vatni yfir.

 

Hleypið suðunni upp og sjóðið þar til eldað í gegn og mjög mjúkt, eða í um 10-15 mínútur.

 

Hellið þá vatninu af og látið blómkálið standa í opnum pottinum á hellu með vægum hita í 5 mínútur eða þannig að allt vatn gufi alveg upp.

 

Setjið smjörið út í og maukið blómkálið með töfrasprota.

 

Kryddið með salti og pipar.

 

Bætið vorlauknum og sýrðum rjóma saman við og smakkið til. 

 

Gott sem meðlæti með rjómalöguðum dijon kjúklingi.

Höfundur: Helena Gunnarsdóttir